من خان الخليلي للبيت الأبيض دبلوماسية الجمالية تعيد رسم اولويات ترامب فى لقائه مع نتنياهو

أسرار و خفايا مع اللواء سامي دنيا 🇪🇬

في اليوم الثاني لزيارة ماكرون لمصر كان المفروض يعقد قمة رسمية مع الرئيس السيسي وبس ولكن قبلها بيوم تم الإعلان عن حضور الملك عبد الله الثاني ملك الأردن، وبعد ما تم عقد القمة الثلاثية تم الإعلان ان الزعماء الثلاثة بعد انتهاء القمة انضم اليهم الرئيس الأمريكي دونالد ترامب عبر الهاتف لتصبح قمة رباعية....مهاتفة اجتماع القاهرة للرئيس ترامب أتت قبل دقائق من وصول رئيس الوزراء الإسرائيلي بنيامين نتنياهو للبيت الأبيض.. نتنياهو اتفاجئ ان ترامب لغى المؤتمر الصحفي قبل القمة وقال انه لازم يجتمعوا مع ستيف ويتكوف الأول وبعد كدا يستقبلوا الصحفيين في المكتب البيضاوي بعد انتهاء اللقاء وفورا ربط المحللين بين الامرين، وان التاجيل دا سببه القمة الرباعية لترامب مع السيسي وماكرون وعبد الله التاني..

السؤال المهم ...نتنياهو كان رايح أصلا لايه ؟

كان رايح عشان ضوء اخضر لضرب رفح الفلسطينية ويجدد الضوء الأخضر الأمريكي لتجاهل الوساطة ..كان رايح يشجع على ضرب ايران خلال أيام ولا تنتظر أمريكا الذهاب لمباحثات مباشرة او غير مباشرة مع ايران او ينتظر ترامب لقصف ايران بعد عودته من رحلته للخليج العربي منتصف مايو المقبل ...

كان رايح عشان عايز تصعيد ضد تركيا في سوريا بمباركة أمريكية ...كان رايح عشان ال 17 % جمارك أمريكية على البضائع الإسرائيلية

طيب ترامب رد عليه بايه ؟

بخصوص غزة قاله فيه مبادرة وقف لاطلاق النار مع ستيف ويتكوف اقعد معاه واتفقوا.. ويتكوف شغال على وساطة ودي الخطة بتاعت أمريكا دلوقتي.. يعني حدوتة اضرب رفح الفلسطينية والتهجير تحت ضرب السلاح ومحاولة الاحتكاك بمصر خلاص كلها بقت ضمن الخطوط الحمراء الامريكية مرة تانية ...

كدا نتنياهو خسر الجبهة المصرية

ترامب قاله ف وشه علنا انا داخل مباحثات مباشرة مع ايران بدات من يومين ويوم السبت هيبقا فيه اجتماع مهم للغاية واحنا بنتفاوض دلوقتي بشكل مباشر علنا مع ايران بدون وسيط ...كدا نتنياهو خسر الجبهة الإيرانية، مفيش ضربة أمريكية ولا أمريكية إسرائيلية مشتركة دلوقتي.. لسا فيه مفاوضات أمريكية إيرانية بس نتنياهو هيقعد برا جنب الباب لحد ما واشنطن وطهران تخلص مباحثات..

فيما يخص تركيا، ترامب طبل لاردوغان، قال انه اتصل به لما نظام الأسد سقط وهنأه وقال له تركيا عرفت ترجع تاني سوريا وهو رجل قوي عرف يعمل اللى هو عايزه وانا علاقتي به كويسة ولو نتنياهو عنده مشكلة مع تركيا انا قادر اتوسط بينهم بس تبقا ملاحظات نتنياهو واقعية !! تخيل ترامب قال كدا ل نتنياهو بخصوص تركيا في سوريا .. انه إسرائيل لازم تبقا واقعية وهى بتقول ملاحظات عن تركيا في سوريا !! دا سببه انه ترامب شايف ان تركيا ينفع تلعب دور شرطي المصالح الامريكية في سوريا، وانه من الأفضل للجيش الأمريكي انه ينسحب من سوريا الشرقية ، الجيش الأمريكي له تواجد في الحسكة والرقة ودير الزور .. ترامب عايز يسحب الجيش الأمريكي من هناك والمناطق دي تتسلم لتركيا او ميلشيات تابعة لتركيا، عشان كدا ملطف الجو مع انقرة ومنفض لكلام تل ابيب ...ترامب قال انه مش هيلغي الرسوم الجمركية على إسرائيل بشكل فوري ولكن بيتم دراسة الموقف دلوقتي، وقال انه أمريكا بتساعد إسرائيل بمبالغ ضخمة توصل ل 4 مليار دولار سنويا وبالتالي أمريكا مش بتعاقب إسرائيل بالتعريفة الجمركية لانه أمريكا بتساعد إسرائيل بشكل تاني وبمبالغ كبيرة ...يعني اللى نتنياهو كان عايزه بخصوص غزة ومصر ، بخصوص ايران، بخصوص سوريا وتركيا، بخصوص التعريفة الجمركية .. كله اتقال له لأ..لأ..لأ.

بس عشان مضحكش عليك .. ترامب ونتنياهو الاتنين اتكلموا عن موضوع تهجير الفلسطينين من غزة، بس ترامب قال إعطاء حق الاختيار للمواطن الفلسطيني .. يعني تهجير قسري لا ولكن اللى عايز يمشى هنساعده ...

دا مش تهوين من الحديث عن التهجير ...

بس انا عايز الأول هدنة في قطاع غزة بجدول زمني تحت مبدا الأرض مقابل الرهائن ووقتها انا هعرف كويس افرض المبادرة المصرية انما طول ما فيه حرب واحتلال مفيش اعمار ومفيش مبادرة مصرية ...ترامب تجنب اى حديث شائك وكان مسكت نتنياهو برضو

تخيل نتنياهو قعد مع ترامب عشان ترامب يتكلم عن الصين وبايدن ووزارة الزراعة الامريكية اللى نجحت تنزل سعر البيض والبقالة دا كلام قاله ترامب في الاجتماع العلني بالنص.. دا غير انه للمرة الاولي ينتقد الرئيس الروسي فلاديمير بوتين ويقول ان التصعيد العسكري الروسي في أوكرانيا الأسبوع اللى فات امر لا يعجبه واستغرب وقال ازاى إسرائيل تركت مكان زي قطاع غزة كان يقصد لما احتلته في يونيو 1967 وبعدها سلمته للفلسطينين بعد اتفاق أوسلو سنة 1993 وقال تخلت إسرائيل عن قطاع غزة بعد ان وعدت بالسلام ولم تحصل على السلام..لماذا تراجع ترامب ؟

لو قلت قمة القاهرة بس يبقا مبالغ اقرب للتطبيل .. ولكن ترامب عنده مشاكل كتيرة جوا أمريكا .. لانه مهزوز إزاء الكارثة اللى حصلت في أمريكا، انهيار في سوق الأسهم والبورصة محصلتش من سنة 1987 في أمريكا .. من أيام رونالد ريجان.. انهيار في قيمة شركات أمريكا والعملة الامريكية ..ترامب خسر حاجة تانية اهم بسبب قرارات التعريفة الجمركية..

الثعلب المصري

خسر الهيبة…بقا شكله اراجوز وبهلوان قدام الدنيا كلها..ومن قبلها فضيحة الشات بتاع حرب اليمن.

.ومن بعدها استقالة ايلون ماسك ومظاهرات بتخرج ضدهم بعد اقل من شهرين على الحكم ...ف ترامب محتاج يرجع تاني للعقلاء في ادارته عشان يبان انه رجل دولة وصانع سلام واستقرار تاني وانه مختلف فعلا عن باراك أوباما وجو بايدن ...قمة القاهرة كمان هي عبقرية الدبلوماسية المصرية، توقيت زيارة ماكرون والاجتماع الثلاثي اللى يبقا قبل اجتماع واشنطن بساعة واحدة بتوقيت أمريكا وكمان انه يحصل قمة رباعية بالاقمار الصناعية ويبقا فيه جبهة أوروبية عربية قدام ترامب بتوضح له انه موضوع التهجير القسري مش هيتم ولا هيحصل، وانه الرهان على إسرائيل في حرب إقليمية يتورط فيها ايران وتركيا امر عبثي، وهيعمل مشاكل لامريكا اللى اقتصادها بدأ يكح تراب بسبب قرارات بنت امبارح

دا مش وقت ترامب ينفع فيه يوسع دائرة الحروب والمشاكل في الشرق الأوسط او غير الشرق الأوسط، الأمور بدات تفلت من ايده فعلاً، خسائر الداخل الأمريكي من قراراته اكبر بكتير من تصوره، والعالم كله انقلب على أمريكا والأخطر ان الصين هي اللى ردت مش روسيا ولا الاتحاد الأوروبي ...نتنياهو كان فاكر انه هيطلع من اجتماع النهاردة معاه ضوء اخضر لاجتياح رفح الفلسطينية والاستعداد لقصف ايران وان يمتلك حرية الحركة في سوريا ضد تركيا وصولاً الى الغاء الـ 17 % جمارك أمريكية، ولم يعد باياً من كل هذا! .. سمع واتضح له ان تركيا صديقة ترامب، وايران يفاوضها ترامب، ورفح مع غزة يجب ان تدخل في هدنة جديدة، والـ 17 % جمارك امر بسيط امام المليارات الامريكية التي تقدم لإسرائيل سنوياً !!شكرا للدبلوماسية المصرية العبقرية ….. شكرا للصقر الذهبي عبد الفتاح السيسي البطل حفظه الله….. ادعوا لمصر وللبطل …..ونحمد ربنا …..وإذكروا الله كثيرا لعلكم تفلحون.