عاجل وهام للغاية ..بالفيديو بقلم اللواء د م سامي دنيا 🇪🇬

عاجل وهام للغاية

سيناريو تهجير الفلسطينيين منذ نشأة إسرائيل

بارانويا ترامب وحب الظهور قمة امراضه النفسيه

سيناريو تهجير الفلسطينيين منذ نشأة إسرائيل :

اولا وثانيا وثالثا وللمره المليون

(( هدوا اعصابكم ))

هل تعتقدوا الوقت الحالى بالنسبه لحرب غزه وحدود مصر الشرقيه اصعب ولا فى بداية الحرب ٧ اكتوبر ٢٠٢٣؟؟

هنقول تانى إسرائيل جابت آخرها ومش هتقدر تكمل حرب ومحتاجه من ٤ الى ٥ سنوات عشان تستعيد تانى جاهزيتها

وقلنا انها بتحاول باقصى طاقه تحافظ على مكاسبها لكن مش عن طريق الحرب ولكن بالاتفاق مع الخونه

أمس انتهت هدنة لبنان وتوقيت انسحاب إسرائيل من الجنوب

ذكرت حرفيا فى تقريري السابق إسرائيل احتلت جنوب لبنان بالهدنه بعد فشلها فى احتلاله بالحرب

وقلنا حرفيا إسرائيل مش هتطلع بعد الهدنه من جنوب لبنان باى حال

لكن حتى ده مقدرتش عليه وانهيار جيشها كبير جدا واضطرت تفضل فى جزء صغير جدا من جنوب لبنان ومقدرتش تفضل فى الجنوب كله

وحاليا بتعمل المستحيل تسيب فقط ٥ نقاط مراقبه وقتال فى جنوب لبنان

تهجير الفلسطينيين:

غريب جدا الزوبعه الهائله اللى بتحصل كل مره دى ……………..كل اللى اتقال سواء من ترامب او متحدثين او منابر اعلاميه محسوبه على دول او عملاء او خونة اخوان بيركبوا اى موجه

كلها اتقالت واكتر حرفيا فى بداية حرب غزه

(( حد قدر يعملها سواء لمصر او الاردن ؟؟؟؟))

طيب نقول اكتر موضوع تهجير الفلسطينيين ده من ١٩٤٨م شغال

وجزء من اتفاقيات الامم المتحده وقرارات كتير جدا بنسمعها احنا واهالينا عن حق (( العوده للاجئين ))

ودول طلعوا قبل ما العرب والفلسطينيين يفهموا اللعبه للصهيونيه العالميه يعنى اتهجروا قسرا فى الخمسينات والاربعينات

ومن بعد حرب اكتوبر مش بيتهجر فلسطينى واحد غصب عنه او مش بإرادته

وتصريحات ترامب الاخيره عشان الناس تكون فاهمه وقبلها بايدن ايضا :

إندونيسيا قد تكون وجهه محتمله لمليون ونصف فلسطينى

وقبلها قبرص او التوزيع فى اوروبا

وقبلها اميركا من الممكن ان تستقبل ربع مليون فلسطينى وقبلها اهل غزه تستقبلهم مصر فى سيناء واهل الضفه تستقبلهم الاردن

ومع رفض مصر رجعوا تانى قالوا خلاص بلاش سيناء استقبلوهم فى مصر فى اى مكان

ومع رفض مصر قالوا طيب تفتح بس معبر رفح والفلسطينيين هيدخلوا منه على مطار وميناء العريش لخارج مصر تماما

وبعد كده عملوا الرصيف البحرى عشان يهجروهم على قبرص

حرب غزه اسوأ اباده وتنكيل حصل للفلسطينيين منذ الصراع الاسرائيلى العربى ورغم ذلك :

اهل غزه والفلسطينيين مخلصوش

المقاومه منتهتش

والمقاومة متقلقوش مش هتخلص

&ومش كل المقاومه خونه

والسلاح مع المقاومه الفلسطينيه موجود واتوفر وكميات كبيره وافرولات جديده (( بأكياسها )) بأكياسها بأكياسها بأكياسها

ومفيش دوله فى التاريخ اختفت من الاحتلال ودايما الاحتلال هو اللى بيختفى

وخارجية مصر والأردن ردوا

(( ونفس الرد بالكربون متكرر منذ ١٩٦٧م بيأكد ثوابت الموضوع ))

ومصر وقيادتها مش منبطحين ولا اذلاء ولا بيتهانوا ولا بيتفرض عليهم اتاوات ولا حد قدر ولا بيقدر ولا ها يقدر يكسر ارادتنا عبر التاريخ ولنهاية الزمان مصر كبيرة اووووووووى زى ما قال صقرنا الذهبي وهو ادرى منى ومن غيرى

ومعندناش مراهقه سياسيه ولا حد كاسر عنينا ولا حد موجود بيحمينا او قواعده على اراضينا

يعنى نتفرج بهدوء لان كل ده سجال وصراع سياسى عباره عن رسائل موجهه للشعب الفلسطينى نفسه بيحاولوا يكسروا ارادتهم عشان لو قدروا

وقتها هيفتحولهم مطار تل ابيب نفسه ولا بن جوريون ويودعوهم بالورود لدول المهجر

واطمنوا الفلسطينيين باقيين وقاعدين فى ارضهم وإسرائيل هيا اللى بتتدمر اكتر واكتر طول الوقت

واكبر دمار ليها كانت حرب غزه ١٥ شهر خساير الحرب دى إسرائيل رجعتها ٢٠ سنه للماضى وذكرياتها الاليمه هتفضل عايشه والذعر والخوف والرعب هيفضل ملازم شعب دولة الاحتلال وخدوها منى انا وانتم تثقوا فيما اكتبه والايام بيننا تثبت ذلك ان شاء الله.

وهما اللى بيهاجروا وبيغادروا إسرائيل بمئات الالاف وصلت ولا لسه

بارانويا ترامب وحب الظهور قمة امراضه النفسيه : ترامب ياجماعه مش غريب علينا وكلنا مفروض حفظناه

عنده امراض نفسيه كتير جدا منها جنون العظمه ، وعنده عشق للظهور الاعلامى وعمل حشد واستمراره فى دائرة الاضواء

يعنى لو مر يوم واحد من غير مايقول تصريح او يثير ضجه (( يموت )) طبيعته كده

بالتالى اتعودوا على كده كل يوم هيخلق تصريح او حديث يثير جدل

ودايما بيقول تصريح او يثير زوبعه اتجاه اى دوله مباشرة قبل تحقيق اتصال بيها يعنى قبل مايكلم رئيسها او يجتمع بيه او قبل ما اى وفد رسمى من ادارته يزورها

والسعوديه ترامب اثار زوبعه قبل اتصاله بولى العهد وده معناه كسب اعلامى وحب ظهور واول ماعمل الاتصال اخد مكاسب اكتر بكتير من اللى كان بيقول عليها يعنى الحرب النفسيه جابت نتيجه

واحنا الحقيقه صقرنا الذهبى رجل وقائد استخبارات من العيار الثقيل وله ثبات انفعالي واتزان وثقل رائع : وبالبلدى كده بكل هدوء وادب وذوق وعقل واتزان واحترام

(( فى اى كلمه مهذبه نسيت اقولها ))

وصلهم الرد وكان بالجزمه مباشرة وقبل الرسمى من وزارة الخارجيه وكان افريقيا وظهور كثيف فى كل شبر فى غزه (( واتسبب فى حالة هلع لجنود إسرائيل )) اللى كلهم بيبتهلوا مترجعش الحرب تانى

عشان كده واكتر بكتير من خطوات مدروسه ومعلومات دقيقه هنقول بيقين :

اولا : اطمنوا

وثانيا : ترامب مش هيخسر مصر ابدا مينفعش ومستحيل

ثالثا : إسرائيل دوله وجيش متقدرش تكمل وحالتها صعبه جدا جدا جدا ….. المعلومات من عندهم من غرف النوم بتقول كده ومش عاوز استرسل واستفيض فى هذا السياق وانتم اذكية جداا مثل كل المصريين اللى بيفهموها وهى طايره زى ما بنقول عندنا فى مصر الحبيبة

رابعا : توقعاتنا الاقتصاديه هيا هيا متغيرتش حكم ترامب وقراراته الاقتصاديه والسياسيه حول العالم هيفيد مصر اقتصاديا بشكل هائل (( وهيضر الخليج بشكل مرعب)) مرعب مرعب مرعب …….. الخ.

واشطر دوله خليجيه هتكون الامارات بلامنازع وبكل طاقتها هتكون مع مصر (( افتكروا ده كويس )) لان دى الاستثمارات الحقيقيه الناجحه ليها ولشعبها وهما سياسيا شاطرين ومتزنين وعاقلين جدا بالتالى بيعرفوا يحققوا توازن عشان متبقاش السيطره عليهم مطلقه

حفظ الله مصر وشعبها وصقرها الذهبيى ((((( السيسي البطل ))))) وكل الصقور الغاليه اللى شغلهم لا يتوقف طرفة عين او اقل ….الحمد لله رب العالمين.

إحمدوا ربنا ……. وإذكروا الله كثيرا لعلكم تفلحون.